«Bolashaq» halyqaralyq stıpendııasyna úmitker memlekettik qyzmetshilerge qoıylatyn talaptar men qajetti qujattar tizbesi jarııalandy

ASTANA. 21 sáýir. QazAqparat - «Halyqaralyq baǵdarlamar ortalyǵy» Aktsıonerlik Qoǵamynyń habarlaýy boıynsha Qazaqstan Respýblıkasy Prezıdentiniń «Bolashaq» halyqaralyq stıpendııasyn damytýdyń basymdy baǵyttarynyń biri sheteldik joǵary oqý oryndaryna oqýǵa/taǵylymdamaǵa jáne PhD doktarlaryn oqýǵa jiberý bolyp tabylady.

QR Memlekettik qyzmet isteri agenttiginiń saıtynda jarııalanǵan málimetke qaraǵanda, 2012 jyly stıpendııa aıasynda akademııalyq bilim alý úshin - 57, taǵylymdamadan ótý úshin 107 mamandyq qarastyrylǵan. Shetelde bilim alý men taǵylymdamadan ótý úshin osy jyldan bastap myna sanattar úshin bólinedi: memlekettik qyzmetkerler, ǵylymı nemese pedagog qyzmetkerleri, taǵylymdama jáne doktor PhD.

Konkýrsqa qatysý úshin qujattar tapsyrý sátinde memlekettik qyzmette, onyń ishinde sońǵy 12 aıdy qosa alǵanda keminde 2 jyl jalpy jumys ótili bar memlekettik qyzmetshi bolyp tabylatyn magıstr dárejesin alýǵa úmitkerler úshin bólinedi.

Qajetti qujattar tizbesi:

1. Jumys berýshiniń tapsyrysy
2. Úmitkerdiń saýalnamasy
3. Negizdeme-ótinish
4. Jeke kýáliktiń jáne/pasporttyń notarıaldy kýálandyrylǵan kóshirmesi
5. Qosymshasy bar dıplomnyń notarıaldy kýálandyrylǵan kóshirmesi
6. Belgilengen medıtsınalyq uıymdardan alynǵan 082/ý medıtsınalyq anyqtama
7. STN kóshirmesi
8. Sońǵy 2 jylda zeınetaqy aýdarymdaryn tólegendigin rastaıtyn zeınetaqy qorynan úzindi kóshirme
9. Eńbek kitapshasynyń notarıaldy kýálandyrylǵan kóshirmesi

Úmitkerlerge kelesi jeńildikter qarastyrylǵan:

- shet tilderin bilý deńgeıi tómendetilgen;
- jastyq shekteý joq;
- sheteldik uıymdardyń talabyna sáıkes 4 oqý semestrine deıin tildik daıyndyq ótý múmkinshiligi qarastyrylǵan.

«Bolashaq» halyqaralyq stıpendııasy taǵaıyndaǵan jaǵdaıda stıpendıat oqýdy uıymdastyrý týraly shartqa sáıkes oqýyn aıaqtaǵannan keıin Qazaqstan Respýblıkasyna mindetti túrde oralýy men «Bolashaq» halyqaralyq stıpendııasy sheńberinde alǵan mamandyǵy boıynsha memlekettik qyzmette úzdiksiz bes jyldyq eńbek qyzmet etý týraly kelisimshart jasaıdy.

Konkýrsqa qatysý sharttary, basym mamandyqtar tizbesi, úmitkerlerge qoıylatyn talaptar men qajetti qujattar tizimi men irikteý erejesi www.bolashak.gov.kz resmı saıtynda ornalasqan.