«Bolashaq» halyqaralyq stıpendııasyna ıe bolǵandardyń tizimi jarııalandy
19:07, 27 Tamyz 2013
ASTANA. 27 tamyz. QazAqparat - Búgin «Halyqaralyq baǵdarlamalar ortalyǵy» AQ saıtyna Shetelde kadrlar daıarlaý jónindegi respýblıkalyq komıssııa otyrysynyń qorytyndysy boıynsha «Bolashaq» halyqaralyq stıpendııasy ıegerleriniń tizimin jarııalandy.
Budan buryn habarlanǵandaı, Búgin Aqordada QR Memlekettik hatshysy Marat Tájınniń tóraǵalyǵymen Shet elderde kadrlar daıarlaý jónindegi respýblıkalyq komıssııanyń kezekti otyrysy ótti.
Taratylǵan málimetterge qaraǵanda, komıssııa sheshimine sáıkes, «Bolashaq» halyqaralyq stıpendııasyna 427 adam, onyń ishinde magıstratýra baǵdarlamasy boıynsha - 224, doktorantýra aıasynda - 8, taǵylymdamadan ótýge 195 jas úmitker ıe boldy.
«Bolashaq» baǵdarlamasy boıynsha halyqaralyq stıpendııa ıegerleriniń tizimin myna jerden qarańyz.