«Bolashaq» boıynsha oqýdy tastap ketken jastardyń isi sotta qaralýda

ASTANA. 18 shilde. QazAqparat - «Bolashaq baǵdarlamasy boıynsha shetelde bilim alyp júrip, oqýdy tastap ketken jastar da bar.

Bul týraly búgin «Bolashaq» baǵdarlamasynyń túlekterine arnalǵan bos jumys oryndarynyń jármeńkesi aıasynda jýrnalısterge suhbat bergen «Halyqaralyq baǵdarlamalar ortalyǵy» AQ prezıdenti Saıasat Nurbek osylaı aıtty.

Onyń sózine qaraǵanda, osy máselege qatysty 27 is sotqa jiberilgen. «Onyń 20-sy bizdiń paıdamyzǵa sheshilse, 7-eýi áli qaralyp jatyr. Zańǵa sáıkes, ondaı azamattar respýblıkalyq bıýdjetten onyń oqýyna jáne shákirtaqysyna ketken shyǵyndy óteýi tıis. Sottyń sheshimimen oǵan 10-15 jyl beriledi. Al kepildikte turǵan úı-jaılar shyǵyndy óteýdiń eń sońǵy sharasy retinde qarastyrylady», - deıdi S.Nurbek.