«Bolashaq» baǵdarlamasynyń birinshi kezeńi aıasynda shetelge oqýǵa baratyndar sany belgili boldy
«Bolashaq» baǵdarlamasy elimizdege ındýstrıaldy-ınnovatsııalyq damý mindetterine sáıkes júrgizilip jatyr. Sol sebepti, mamandarǵa qajetti suranysty anyqtaýdy udaıy jetildire otyryp, biz de osy komıssııada mamandardy daıarlaý jumysyn pysyqtap jatyrmyz. Sonymen qatar, «Bolashaq» baǵdarlamasyn Elbasy Nursultan Nazarbaev bekitken «100 naqty qadam» Ult josparynda belgilegen mindetter boıynsha halyqaralyq deńgeıdegi otandyq kásibı mamandar pýlyn qalyptastyrýdaǵy erekshe rólin atap ótkim keledi»,-dedi Memlekettik hatshy.
Atap aıtqanda, aǵymdaǵy jyldyń basynan beri baǵdarlama QR Prezıdentiniń «Bolashaq» halyqaralyq stıpendııasynyń 2016-2020 jyldarǵa arnalǵan jańa damý jospary boıynsha iske asyrylýda, qujatta ony jańartýdyń negizgi baǵyttary belgilengen.
«Osyǵan baılanysty konkýrstyq irikteý deńgeıin jetildirý boıynsha naqty is-sharalar qolǵa alyndy. Bıyldan bastap, úmitkerlerge qoıylatyn shet tilin bilý deńgeıi, dıplomnyń ortasha baly jáne jumys ótiline qatysty talaptar ózgertildi»,-dedi G. Ábdiqalyqova.
2016 jylǵy 11 sáýirden 13 mamyrǵa deıin qujattar qabyldaýdyń birinshi, ıaǵnı kóktemgi kezeńi ótkizildi. Konkýrsqa elimizdiń barlyq óńirlerinen 216 úmitker qatysty. Shetelde kadrlar daıarlaý jónindegi respýblıkalyq komıssııanyń sheshimimen 137 úmitkerge, onyń ishinde 100 adamǵa magıstratýra baǵdarlamasy, 8 adamǵa doktorantýra boıynsha, sondaı-aq 29 adamǵa taǵylamdamadan ótýge stıpendııa taǵaıyndaldy.
Otyrys qorytyndysy boıynsha Memlekettik hatshy «Bolashaq» baǵdarlamasyn odan ary iske asyrýǵa qatysty birqatar tapsyrmalar júktedi.