«Bolashaq» baǵdarlamasynyń aǵylshyn tili deńgeıine qoıylatyn talaptary kúsheıtildi

ASTANA. QazAqparat - «Bolashaq» baǵdarlamasy aıasynda talapkerlerdiń aǵylshyn tili deńgeıine qoıylatyn talaptar kúsheıtildi.

Bul týraly búgin Ortalyq kommýnıkatsııalar qyzmetinde ótken brıfıngte «Halyqaralyq baǵdarlamalar ortalyǵy» AQ basshysy Ǵanı Nyǵymetov málim etti.

«Bıyldan bastap, «Bolashaq» baǵdarlamasy aıasynda talapkerlerdiń aǵylshyn tili deńgeıine jáne jumys ótiline qoıylatyn talaptar kúsheıtildi. Endi «Bolashaq» baǵdarlamasymen oqýǵa túsý úshin IELTS júıesi boıynsha 5 balldan artyq jınaý qajet. Bul aǵylshynnyń ortasha deńgeıi degen sóz. Eger buryn til biliminiń bastapqy deńgeıimen óte bergen bolsa, endi aǵylshyn tili ortasha deńgeıde bolýy tıis», - dedi Ǵ.Nyǵymetov.

Onyń sózine qaraǵanda, 2015 jyly 601 stıpendııa berilgen. Olardyń ishinde 80 paıyzy magıstratýraǵa, qalǵan 20 paıyzy taǵylymdamaǵa berilgen.