«Bolashaq» baǵdarlamasynda pedagogterge arnaıy kvota bólinedi

NUR-SULTAN. QazAqparat – QR Ǵylym jáne joǵary bilim mınıstri «Bolashaq» baǵdarlamasy men «500 ǵalym» jobasynda pedagogterge arnaıy kvota bólinetinin málim etti, dep habarlaıdy QazAqparat tilshisi.

«Joǵary bilim berý sapasyn qamtamasyz etý júıesin ádistemelik súıemeldeý jumysyn jetildirý qajet. Pedagogıkalyq baǵyttar úshin akkredıtteý standarty qabyldanady. Bul standart oqýshylarmen kásiptik baǵdarlaý jumystaryn, bilim baǵdarlamalaryn jańartýmen qosa túlekterdiń biliktiligin rastaýǵa deıingi kezeńderdi qamtıdy»,- dedi mınıstr Úkimet otyrysynda.

Onyń aıtýyna qaraǵanda, atalmysh maqsatpen «Pedagog» kásibı standartyn ózektendirýge jaýapty jumys toby qurylǵan.

«Biz oqý-aǵartý mınıstrligimen birlesip kásibı standart negizinde muǵalimderdi sertıfıkattaý modelin pysyqtaýdy josparlap otyrmyz.

«Bolashaq» baǵdarlamasy jáne «500 ǵalym» jobasy arqyly arnaıy kvota bólip, pedagog ǵalymdardyń áleýetin kúsheıtý jolymen pedagogıka ǵylymy damytylady», - dedi Saıasat Nurbek.