«Bolashaq» baǵdarlamasyna qatysýshylarǵa aǵylshyn tilin bilý talaby kúsheıtiledi
15:23, 17 Tamyz 2015
ASTANA. QazAqparat - «Bolashaq» baǵdarlamasyna qatysýshylarǵa aǵylshyn tilin bilý talaby kúsheıtiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵmetov málim etti.
«Kelesi jyldan bastap, josparǵa sáıkes aǵylshyn tilin bilý talaby «ball aıls" boıynsha 5 balǵa deıin kóteriletin bolady. Jyl saıyn bul ball arttyryla beredi. Osylaısha úzdik joǵary oqý oryndaryna qajetti krıterııge deıin birtindep jetkiziledi», - dedi ol.
Ǵ.Nyǵmetovtiń sózine qaraǵanda, «Bolashaq» baǵdarlamasyna qatysýshylardyń kvotalyq sanatyna aǵylshyn tilin úırený múmkindigi usynylady. ıAǵnı, olar aǵymdaǵy jyldyń 1 qyrkúıeginen bastap aǵylshyn tilin 6 aı Qazaqstanda jáne 6 aı shet elde úırenetin bolady. Al 2020 jylǵa qaraı atalǵan tildik daıyndyq kýrstary alynyp tastalady.