«Bolashaq» baǵdarlamasymen oqýyn bıyl bitirip kelgen 87 túlek jumysqa ornalasqan joq - B.Jumaǵulov
Bul týraly búgin QR Prezıdentiniń «Bolashaq» halyqaralyq baǵdarlamasyn iske asyrý qorytyndylaryna arnalǵan Úkimet otyrysynda QR Bilim jáne ǵylym mınıstri Baqytjan Jumaǵulov aıtty.
Birinshiden, Elbasynyń tapsyrmasymen byltyrdan bastap biz bitirip kelgen túlekterdiń tolyq monıtorıngin jasaıtyn boldyq. Ekinshiden, qazirgi ýaqytta jumysqa ornalaspaǵan túlekterdiń sany tek qana 87 bala», - dedi ol.
Onyń atap ótýinshe, atalǵan túlekter oqýlaryn 2013 jyldyń qańtar-naýryz aılary aralyǵynda bitirip kelgen.
«Olardyń jumysqa ornalaspaýynyń basty sebebiniń biri ár memlekette dıplom qujattaryn daıyndaý merzimi 3 aıdan 9 aıǵa deıin sozylady. Sondyqtan qoldaryna dıplom tımeı otyr. Dıplomdaryn alǵannan keıin barlyǵy jumysqa ornalastyrylatyn bolady», - dedi B.Jumaǵulov.