«Bolashaq» baǵdarlamasymen bitirýshilerdiń elge oralýy jáne jumys isteýi qatań baqylaýda bolady
Bul týraly búgin Úkimet otyrysynda QR Prezıdentiniń «Bolashaq» halyqaralyq baǵdarlamasyn iske asyrý qorytyndylarymen tanystyrǵan QR Bilim jáne ǵylym mınıstri Baqytjan Jumaǵulov aıtty.
«Mınıstrlik Ulttyq qaýipsizdik komıtetimen birlesip «Sheteldegi stýdent» aqparattyq júıesin engizdi. Endi bitirýshilerdiń elge oralýy jáne jumys isteýi qatań baqylaýda bolady»,-dedi ol.
Sondaı-aq, mınıstrdiń atap ótýinshe, búginde aımaqtar úshin baǵdarlamaǵa qoljetimdilik artqan. 2005-2010 jyldar aralyǵynda Almaty, Astana qalalarynan úmitkerler sany shamamen 75 paıyzdy quraǵan.
«Endi Qazaqstan Respýblıkasynyń barlyq azamattary eldiń kez kelgen jerinen Elektrondy úkimet ortalyǵy, Halyqqa qyzmet kórsetý ortalyǵy arqyly qujattar tapsyra alady. Nátıjesinde aımaqtardan úmitkerlerdiń qatysý úlesi 2011 jyly 39 paıyz bolsa, 2012 jyly 47 paıyzǵa arttty»,-dedi B. Jumaǵulov.