«Bolashaq» baǵdarlamasy stıpendıattarynyń eńbekpen óteý tártibi ózgermek

ASTANA. QazAqparat – Álemdik reıtıngilerge engen uıymdarda óndiristik taǵylymdamadan ótetin «Bolashaq» baǵdarlamasy stıpendıatynyń eńbekpen óteý merzimi 1 jylǵa keıinge shegeriledi. Bul týraly «Ashyq» NQA portalynda jarııalanǵan Ǵylym jáne joǵary bilim mınıstriniń tıisti buıyryǵynda jazylǵan, dep habarlaıdy QazAqparat tilshisi.

«Stıpendıat osy jyly shetelde akademııalyq oqýyn aıaqtaǵan kezde 12 aıdan aspaıtyn eńbekpen óteý boıynsha mindettemelerin oryndaý stıpendıattyń ótinish bergen sátinde «Fortune Global 500», «Forbes Global 2000», «Forbes Top 100 Digital Companies» álemdik reıtıngilerine kiretin uıymdarda óndiristik taǵylymdamadan ótý kezinde keıinge qaldyrylady. Sonymen qatar, Qazaqstan sheginen tys ornalasqan 12 aıdan aspaıtyn merzimge Birikken Ulttar Uıymynyń halyqaralyq uıymdarynda taǵylymdamadan ótý kezinde keıinge qaldyrylady. Alǵan mamandyǵy boıynsha 12 aıdan aspaıtyn merzimge posdoktorantýradan ótip jatsa, onda onyń eńbekpen óteý mindettemeleri keıinge shegeriledi», - delingen jańa redaktsııada.

Eskeretini – eńbekpen óteýdi keıinge qaldyrý múmkindigi stıpendıatqa tek 1 ret beriledi.

Aıta keteıik, qazirgi qoldanystaǵy buıryqta mundaı norma joq.

Qujat 25 qańtarǵa deıin kópshilik talqylaýda bolady.