«Bolashaq» baǵdarlamasy boıynsha qujattardy qabyldaý merzimi uzartyldy
00:42, 01 Qazan 2016
ASTANA. QazAqparat - Qazaqstan Respýblıkasy Bilim jáne ǵylym mınıstri Erlan Saǵadıevtiń 2016 jylǵy 14 qyrkúıektegi buıryǵymen «Bolashaq» halyqaralyq stıpendııasyn taǵaıyndaý úshin úmitkerlerden qujattardy qabyldaý merzimi aǵymdaǵy jyldyń 14 qazanyna deıin uzartyldy.
Qujat resmı jarııalandy jáne óz kúshine endi. Bul týraly vedomstvonyń baspasóz qyzmetinen habarlady.
Eske salaıyq, «Bolashaq» stıpendııasy QR Prezıdenti N.Ə.Nazarbaevtyń qaýlysymen 1993 jylǵy 5 qarashadan bastap taǵaıyndalyp keledi. Búgingi kúnge deıin álemniń 33 elindegi úzdik joǵary oqý oryndarynda bilim alý úshin 11 myńnan astam qazaqstandyqqa stıpendııa taǵaıyndaldy.