«Bolashaq» baǵdarlamasy álemniń úzdik stıpendııalyq baǵdarlamalarynyń biri dep tanyldy

ASTANA. QazAqparat - Maıamıde (AQSh) ótken konferentsııada halyqaralyq sarapshylar «Bolashaq» baǵdarlamasyn úzdik stıpendııalyq baǵdarlamalardyń biri dep tanydy. Osylaısha "Bolashaq" baǵdarlamasy el tarıhynyń «altyn paraǵy» jáne «bilim berý júıesiniń qozǵaýshy kúshi» ekenin taǵy da dáleldep otyr. Bul týraly búgin Ortalyq kommýnıkatsııalar qyzmetinde «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

Onyń aıtýynsha, álemde tek osyǵan uqsas tek 11 elde baǵdarlama bar jáne Qazaqstannyń qoldanyp júrgen modeli eń tıimdi ári parasatty túrde uıymdastyrylǵan dep tanyldy. "Qazaqstan bul baǵdarlamadan ózge elderge qaraǵanda anaǵurlym nátıjeli jetistikterge qol jetkizip otyr jáne ol halyqaralyq sarapshylarmen joǵary baǵalandy", - deıdi ol.

Sonymen qatar, ortalyq basshysynyń sózine qaraǵanda, qazirgi tańda Údemeli ındýstrııalyq-ınnovatsııalyq damý baǵdarlamasyn júzege asyrý aıasynda baǵdarlamanyń ekinshi besjyldyǵyna arnap kadrlar daıarlaý jumystary júrgizilip jatyr.

"Beıindi memlekettik organdardyń, óndiristik kásiporyndar men uıymdardyń ınjener-tehnıkalyq qyzmetkerleri sheteldik jetekshi mekemelerde biliktilikterin jetildirýdiń biregeı múmkindigine ıe bolyp otyr. Búgingi tańda AQSh-ta, «ColoradoSchoolofMines» mekemesinde «Ken isi» mamandyǵy boıynsha bes adam taǵylymdamadan ótip jatyr», - dep atap kórsetti Ǵ.Nyǵymetov óz sózinde. - Indýstrııa jáne jańa tehnologııalar mınıstrliginiń ótinimi negizinde 19 adam «Mashına jasaý» mamandyǵy boıynsha taǵlymdamadan ótti. 10 stıpendıat Germanııada Berlın tehnologııalyq ýnıversıtetinde «Energetıka menedjmenti» mamandyǵy boıynsha taǵylymdamadan ótýde, aldaǵy ýaqytta osy oqý ornynda taǵy 4 stıpendıat oqýǵa keledi» deıdi Ǵ.Nyǵymetov.

Spıkerdiń aıtýynsha, búginde sonymen birge Ulttyq kásipkerler palatasymen birlesip taǵylymdamalar uıymdastyrý - Qazaqstannyń kásipkerler qaýymdastyǵy akkredıtatsııalaǵan uıymdar men kásiporyndardyń qyzmetkerleriniń biliktilikterin jetildirý jumystary júrgizilip jatyr. Atap aıtqanda, HewlettPackard (NR) - «Samuryq Qazyna» Ulttyq ál-aýqat qorynyń» enshiles kompanııalarynyń mamandary úshin aqparattyq tehnologııalar salasynda, shvetsııalyq Lýnd Ýnıversıteti - «Qurylys tehnologııalary: ekologııalyq qurylys materıaldary jáne qyzmetteri» baǵdarlamasy boıynsha kýrstar uıymdastyrylýda.