«Bolashaǵy bar» aýyldardyń tizimi qaıta ózektendiriledi

ASTANA. QazAqparat – QR Premer-Mınıstri Álıhan Smaıylov Úkimet otyrysynda tıisti mınıstrlik basshylaryna «Aýyl – el besigi» ulttyq jobasynyń aıasyndaǵy sharalardy tıimdi iske asyrý baǵytynda birqatar tapsyrma berdi, dep habarlaıdy QazAqparat tilshisi.

«Birinshi. Ulttyq ekonomıka mınıstrligi oblys ákimdikterimen birge «Aýyl – El besigi» baǵdarlamasynyń ınfraqurylymdyq jobalaryn sapaly, ýaqytyly iske asyrýdy qamtamasyz etýi kerek.

Ekinshi. Ulttyq ekonomıka mınıstrligi Aýyldyq aýmaqtardy damytýdyń 2023-2027 jyldarǵa arnalǵan tujyrymdamasyn ázirleý barysynda bolashaǵy bar aýyldardy aıqyndaý ádisterin ózektendirip, Óńirlik standarttar júıesin jetildirý jónindegi jańa tásilderdi eskersin», - dedi ol.

Sondaı-aq damý áleýeti joǵary aýyldardyń tizbesi de qaıta jańartylmaq.

«Úshinshi. Damý áleýeti joǵary aýyldyq eldi mekender tizbesin ózektendirýge baılanysty Qarjy jáne Ulttyq ekonomıka mınıstrlikteri, oblys ákimdikteri respýblıkalyq bıýdjetti naqtylaý kezinde «Aýyl – el besigi» jobasyn qarjylandyrý máselesin pysyqtasyn», - dedi Úkimet basshysy.

Foto: primeminister.kz