Bokstan jastar arasynda Azııa chempıonatynda úsh boksshy qola júldeger atandy

ASTANA. QazAqparat – Taıland astanasy Bangkok qalasynda 22 jasqa deıingiler arasynda ótip jatqan Azııa chempıonatynda qazaqstandyq úsh boksshy qola júldeger atandy, dep habarlaıdy QazAqparat tilshisi.

Erasyl Jakpekov 80 kelige deıingi salmaqta ózbekstandyq Djasýrbek ıÝldoshevpen judyryqtasyp, ony ekinshi raýndta nokdaýnǵa jibergenimen, tóreshiler sheshimimen jeńilip qaldy. Sóıtip ol qola júldemen shekteldi.

Sondaı-aq 92 kelige deıingi salmaqta rıngke shyqqan Erhat Bekzat ózbekstandyq Nýsratbek Tohırovke ese jiberdi – 0:5.

Asa aýyr salmaqta Amanat Sabyrǵalı taǵy bir ózbekstandyq Djahongır Zokırovpen sheberlik baıqasty. Ekinshi raýndta Amanat dál soqqy alyp, referı esep ashty. Aqyry tóreshilerdiń biraýyzdan sheshimimen jeńis ózbekstandyq boksshynyń enshisinde ketti.

Osylaısha, boksshylarymyzdyń úsheýi de ózbekstandyqtardan utylyp qaldy.

Jastar arasynda Azııa birinshiliginde keshe qazaqstandyq úsh boksshy qyzymyz ózbekstandyqtarǵa jol bergen edi.

Búgin jartylaı fınalda óner kórsetken 11 qazaqstandyq boksshynyń altaýy jeńse, beseýi utylyp qaldy.

Eske sala keteıik, budan buryn Azııa chempıonatynda eki boksshynyń fınalǵa shyqqanyn jazǵan edik.

Sondaı-aq Mahmýd Sabyrhan altyn úshin talasady.

Taǵy úsh boksshy fınalǵa shyqty.

Foto: instagram.com/zhakpekov