Bokstan jastar arasynda Azııa chempıonaty: Gúlsaıa Erjan altyn aldy

ASTANA. QazAqparat – Taıland astanasy Bangkok qalasynda 22 jasqa deıingiler arasynda ótip jatqan Azııa chempıonatynda qazaqstandyq Gúlsaıa Erjan jeńimpaz atandy, dep habarlaıdy QazAqparat tilshisi.

Ótken jyly Iordanııa astanasy Ammanda eresekter arasynda kúmis júldege qol sozǵan Gúlsaıa Erjan 81 kelige deıingi salmaqta fınalda sharshy alańnyń ıesi, taılandtyq Pornıppa Chýtımen rıngke shyqty.

Tóreshiler birinshi raýndta jergilikti boksshy basym dep tapqanymen, ekinshi kezeńde Gúlsaıa tarazy basyn ózine aýdardy. Qorytyndy esep – 3:2, Gúlsaıa Erjannyń paıdasynda.

Osylaısha, Qazaqstan qyzdar quramasy Azııa birinshiliginde 2 altyn, 7 qola medaldi jeńip aldy.

Budan buryn Jasmın Qızatova (70 kg) chempıon atansa, Móldir Toıkova (50 kg), Ánel Saqysh (54 kg), Vıktorııa Grafeeva (57 kg), Shahnaz Isaeva (60 kg), Nazerke Serik (63 kg), Aqnar Işanova (66 kg) jáne Dana Dıdaı (75 kg) qola júldege ıe bolǵan edi.

Eske sala keteıik, budan buryn Azııa chempıonatynda taǵy úsh boksshynyń fınalǵa shyqqanyn jazǵan edik.

Sondaı-aq qazaqstandyq eki boksshy qyz Azııa chempıonatynyń fınalyna shyqty.

Bokstan jastar arasynda Azııa chempıonatynda qazaqstandyq sportshy jeńimpaz atandy.

Foto: sports.kz