Bokstan jastar arasynda ACh: úsh qazaqstandyq jartylaı fınalǵa shyqty

ASTANA. QazAqparat – Taıland astanasy Bangkok qalasynda 22 jasqa deıingiler arasynda bokstan ótip jatqan Azııa chempıonatynda úsh qazaqstandyq sportshy jartylaı fınalǵa shyqty, dep habarlaıdy QazAqparat tilshisi.

Muhamedsabyr Bazarbaıuly 63,5 kelige deıingi salmaqta bastapqy kezdesýin sátti ótkizdi. Ol taılandtyq Roekpıdjıt Sýfarekpen judyryqtasyp, ony úsh ret nokdaýnǵa jiberip, úshinshi raýndta tehnıkalyq nokaýtpen utty. M. Bazarbaıuly jartylaı fınalda mońǵolııalyq Týlga Oıýnbaatarmen kezdesedi.

Jastar arasyndaǵy álem chempıony Sabyrjan Aqqalyqov 71 kelige deıingi salmaqa kýveıttik Salman Al-Shammarımen rıngke shyqty. Birinshi raýndta Sabyrjan qarsylasyn eki ret nokdaýnǵa jiberdi. Sóıtip, bul kezdesý de tehnıkalyq nokaýtpen aıaqtaldy.

Taǵy bir qazaqstandyq Dıas Moljigitov 75 kelige deıingi salmaqta qyrǵyzstandyq Danıel Abdrahmanovty aıqyn basymdylyqpen utty. Bul jekpe-jekte de birinshi jáne úshinshi raýndta nokdaýn tirkeldi.

Osylaısha, úsh boksshy jartylaı fınalǵa shyqty. Bul – keminde qola júlde qorjynda degen sóz.

Eske sala keteıik, budan buryn bokstan Azııa chempıonatynda Mahmýd Sabyrhannyń qarsylasyn nokaýtpen jeńgenin jazǵan edik.

Foto: sports.kz