Bokstan Taılandtaǵy týrnır: Saǵyndyq Toǵambaı jartylaı fınalǵa joldama aldy

NUR-SULTAN. QazAqparat - Qazaqstandyq boksshy Saǵyndyq Toǵambaı Taılandtaǵy týrnırde jartylaı fınalǵa shyqty, dep habarlaıdy QazAqparat tilshisi.

Ol 91 keli salmaqta vetnamdyq Ngýıen Man Kýonmen jekpe-jekke shyqty.

Rıng tórinde qazaqstandyq boksshy senimdi oıyn kórsetti. Ekinshi raýndta qarsylasyn nokdaýnǵa jiberdi. Úshinshi raýndta qarsylasy jarysty jalǵastyrýdan bas tartty. Osylaısha Saǵyndyq jekpe-jektiń jeńimpazy atandy. Ol jartylaı fınalǵa joldama aldy.

Budan buryn el quramasynan Aıatýlla Tákijanov (75 keli) taılandtyq Borvorn Kadamnýannyń osal tusyn tapty .

Sondaı-aq, atalǵan salmaqta el quramasynan Tımýr Nurseıitov úndistandyq Sýmıtke jol berip qoıdy.

Aıta ketsek, endi el quramasynan bes boksshy sharshy alańǵa shyǵady. Olardyń bireýi kúndizgi, úsheýi keshki sessııada qarsylastarymen qolǵap túıistiredi .

Halyqaralyq týrnır 9 sáýirde máresine jetedi.