Bokstan Strandja kýbogy: Saǵyndyq Toǵambaı el qorjynyna tórtinshi altyn medaldy saldy

NUR-SULTAN. QazAqparat - Bolgarııa astanasy Sofııada bokstan Strandja kýbogynda qazaqstandyq sportshylar tórt altyn medalǵa qol jetkizdi, dep habarlaıdy QazAqparat.

Qazaqstandyq boksshy Saǵyndyq Toǵambaı (86 keli) salmaqta fınalda ýkraındyq Sergeı Gorskovpen sheberlik baıqasty. Jekpe-jek barysynda Saǵyndyqtyń ózine senimdiligi aıqyn ańǵaryldy. Qarsylasyna jıi soqqy jasap, upaı qoryn molaıtty. Nátıjesinde tóreshiler biraýyzdan onyń jeńiske jetkenine senim kórsetti.

Aıta ketsek, Saǵyndyq Toǵambaı el quramasy qorjynyna tórtinshi altyn medal saldy.

Eske salsaq, budan buryn el quramasynan Nazym Qyzaıbaı (50 keli) men Mahmýd Sabyrhan (54 keli) chempıon atandy.

Sondaı-aq, qazaqstandyq boksshy Valentına Halzova 70 keli salmaqta chempıon atandy.

Halyqaralyq týrnırde el quramasynan Damır Ábdiqadyr (51 keli), Dýlat Bekbaýov (67 keli), Dına Jolaman (54 keli) jáne Lázzat Kúngeıbaeva (81 keliden joǵary) kúmis júldeger atandy.

Al qola júlde Sanjar Táshkenbaı (48 keli), Tımýr Qabdeshov (51 keli), Abzal Serik (63,5 keli), Abzal Quttybekov (92 keli), Nurlan Saparbaı (92 keliden joǵary), Rımma Volosenko (60 keli), Darıǵa Shákimova (66 keli, Nadejda Rıabets (75 keli) jáne Anastasııa Baıazıtova (81 keli) syndy qazaqstandyq sportshylarǵa buıyrdy.