Bokstan «Strandja» kýbogi: Qazaqstandyq eki boksshy 1/4 fınalǵa shyqty

ASTANA. QazAqparat - Bolgarııa astanasy Sofııa qalasynda ótip jatqan bokstan halyqaralyq «Strandja-2023» týrnırinde tórtinshi jarys kúni máresine jetti, dep habarlaıdy QazAqparat tilshisi.

Bul kúni el quramasynan 1/8 fınalda segiz boksshy rınge shyǵýy tıis edi. Olardyń arasynan ekeýi jarystyń 1/4 fınalyna joldama aldy.

El quramasynan Orazbek Asylqulov (57 keli) brazılııalyq Lýıs Olıveıranyń osal tusyn tapsa, Bekzad Nurdáýletov (80 keli) serbııalyq Artem Ageevti tize búktirdi.

Al Kenje Muratuly (51 keli) úndistandyq Bıshvamıtra Chongthamǵa, Ernur Qaırat (48 keli) grýzııalyq Lýka Kýblashvılıge, Bekzat Tańatar (86 keli) ózbekstandyq Shohjahon Abdýllaevqa, Abzal Kuttybekov (92 keli) grýzııalyq Artem Iordanıanǵa, Temirhan Tezek (67 keli) ózbekstandyq Behzod Hamıdovqa jol berdi.

Sondaı-aq, qazaqstandyq Qamshybek Qońqabaevtyń rıngke shyqpaýyna baılanysty jeńis ózbekstandyq Bahodır Djalolovqa berildi.