Bokstan Strandj kýbogynda Nadejda Rıabets reseılik qarsylasyn jeńdi

NUR-SULTAN. QazAqparat - Qazaqstandyq boksshy Nadejda Rıabets Bolgarııa astanasy Sofııada ótip jatqan Strandj kýbogy týrnıriniń jartylaı fınalyna shyqty, dep habarlaıdy QazAqparat.

Qazaqstandyq boksshy 75 kelide reseılik Elena Gapeshınamen sharshy alańǵa shyqty. Qarsylasy - 2021 jylǵy Reseı birinshiliginiń kúmis júldegeri bolatyn.

Al 21-jastaǵy Nadejda Rıabets jasóspirimder arasynda álem chempıony atansa, jastar arasynda Azııa chempıony tuǵyryna kóterildi.

Ol Soltústik Qazaqstan oblysynyń atynan synǵa túsip júr.

Bul jeńisi arqyly Nadejda Rıabets týrnırde kem degende qola júldege qol jetkize alady.

Atalǵan týrnır mamandar arasynda «kishi álem chempıonaty» degen ataýǵa ıe.

Eske salsaq, budan buryn eki dúrkin álem chempıony Nazym Kyzaıbaı jartylaı fınalǵa joldama alǵan edi.

Sondaı-aq, Dına Jolaman (54 keli) da jartylaı fınalǵa shyqty.