Bokstan lıtsenzııalyq týrnır: Qazaqstandyq taǵy bir boksshy jeńiske jetti

<p>ASTANA. KAZINFORM &ndash; Bokstan Italııanyń Býsto-Arsıtsıo qalasynda ótip jatqan lıtsenzııalyq týrnırde taǵy bir boksshymyz jeńisine senimdi túrde qol jetkizdi.</p>

Naqtyraq aıtsaq, álemdik lıtsenzııalyq týrnırdiń úshinshi jarys kúni 63,5 keli salmaqta el namysyn qorǵaǵan boksshymyz Muhammedsabyr Bazarbaıulynyń jarqyn jeńisimen qorytyndylandy.

Ol búgin Trınıdad jáne Tobago eliniń ókili Donnel Fılıppen judyryqtasyp, jekpe-jekti birden qarqyndy bastady. Tipti, birinshi raýndta-aq qarsylasyn qaımyqtyryp tastady. Úshinshi raýndta nokdaýn tirkeldi. Osylaısha otandasymyz jeńisine senimdi túrde qol jetkizdi.

Jalpy búgin sharshy alańǵa erler arasynda eki, áıelder arasynda bir boksshymyz sharshy alańǵa shyqty. Nátıjesinde barlyǵy qarsylastaryn utyp, ary qaraı jarysty jalǵastyrýǵa múmkindik aldy.

Atap aıtsaq, áıelder arasynda 60 keli salmaqta Rımma Volosenko Italııadaǵy ekinshi aıqasyn ótkizip, taǵy da jeńiske jetti. Ol búgin vengrııalyq Petra Sabomen judyryqtasyp, qarsylasyn úshinshi raýndta nokdaýnǵa jiberip 1/8 fınalyna shyqty.

Al 71 keli salmaqtaǵy álem chempıony Aslanbek Shymbergenov búgin alǵashqy qarsylasy Fınlıandııa boksshysy Sem Morovatıdi 2-raýndta tehnıkalyq nokaýtpen utyp kelesi aınalymǵa ótti.

Endi Qazaqstan ulttyq quramasynyń kapıtany kelesi aıqasyn 7 naýryzda ótkizedi.