Bokstan Italııadaǵy týrnır: Sáken Bıbosynov jarysty jalǵastyrady

<p>ASTANA. KAZINFORM - Búgin, 3 naýryzda, bokstan Italııanyń Býsto-Arsıtsıo qalasynda jalaýyn kótergen halyqaralyq týrnırde qazaqstandyq Sáken Bıbosynov jarystyń kelesi satysyna shyqty.</p>

Qazaqstandyq boksshy 51 kelide gonkongtyq Kannet Chýn Hım Tanmen qolǵap túıistirdi.

Úshinshi raýndta Sáken qarsylasyn tehnıkalyq nokaýtpen tize búktirdi. Oǵan deıin ol gonkongtyq sportshyny úsh márte nokdaýnǵa jiberip úlgergen edi.

Lıtsenzııalyq týrnırde 2024 jylǵy Parıj Olımpıadasynyń joldamalary sarapqa salynady. Bylǵary qolǵap sheberleri erler arasynda 28, áıelder arasynda 21 joldamaǵa talasady.

Endi Sáken Olımpıada joldamasyna ıe bolý úshin kem degende jartylaı fınalǵa deıin jetýi tıis.

Ol 2020 jyly Tokıo Olımpıadasy men 2021 jyly álem chempıonatynda qola júldeger atanǵan edi.

Týrnır 3-12 naýryz aralyǵynda ótedi.

Aıta ketsek, qazirge deıin el quramasynan Azııa oıyndarynda Karına Ibragımova (57 keli) jáne Qamshybek Qońqabaev (92 keliden joǵary) Parıj Olımpıadasyna joldama alyp úlgerdi.