Bokstan «Elorda Cup» týrnırinde Sáken Bıbosynov chempıon atandy

ASTANA. QazAqparat - Bokstan «Elorda Cup» halyqaralyq týrnırinde Sáken Bıbosynov 51 keli salmaqta chempıon atandy, dep habarlaıdy QazAqparat tilshisi.

S.Bıbosynov fınalda qazaqstandyq taǵy bir bylǵary qolǵap sheberi Kenje Muratulymen kezdesti. Ol jekpe-jek barysynda qarsylasynan myqty ekenin kórsetti. Nátıjesinde tóreshilerdiń biraýyzdan qabyldaǵan sheshimimen jeńiske jetti. Esep - 5:0.

Sáken Bıbosynov 2020 jylǵy Olımpıada oıyndarynyń qola júldegeri. Al 2021 jyly álem chempıony atandy.

Aıta ketsek, búgin halyqaralyq týrnırde fınaldyq jekpe-jekter ótip jatyr.

Baıraqty básekede 10 elden 200-den astam sportshy medaldar úshin talasýda. Olardyń arasynda Qazaqstan, Ózbekstan, Qytaı, Úndistan, Mońǵolııa jáne ózge de memleketterdiń ókilderi bar.