Bokstan el quramasy Golovkınge aldaǵy aıqasta sáttilik tiledi

NUR-SULTAN. QazAqparat – Bokstan Qazaqstan quramasy 5 qazanda Nıý-Iorkte Derevıanchenkoǵa qarsy aıqas ótkizetin Gennadıı Golovkınge sáttilik tiledi, dep habarlaıdy QazAqparat tilshisi.

«Qazaqstan kásipqoı boks federatsııasy» áleýmettik jelidegi paraqshasynda habarlanǵandaı, komandanyń atynan bas bapker Ǵalymbek Kenjebaev sóz sóıledi. Ǵalymbek Kenjebaev kezinde Gennadıı Golovkındi jattyqtyrǵan bolatyn.

Aıta ketsek, keshe bokstan Qazaqstan quramasy Reseıdegi álem chempıonatynan elge oraldy. Álemdik birinshilikten qazaq boksshylary 1 altyn, 1 kúmi, 4 qola medalmen oraldy. Álem chempıonatyna shyǵar aldynda Golovkın ulttyq quramaǵa sáttilik tilep, qoldaý bildirgen bolatyn. ⠀

Eske sala ketsek, Qazaqstandyq kásipqoı boksshy Gennadıı Golovkın (39-1-1, 35KO) men ýkraınalyq Sergeı Derevıanchenkonyń (13-1, 10KO) jekpe-jegi 5 qazanda Nıý-Iorktegi (AQSh) «Madison Square Garden» arenasynda ótedi. Boksshylar IBF nusqasy boıynsha bos turǵan orta salmaqtaǵy álem chempıony tıtýlyna talasatyny buǵan deıin habarlanǵan edi. Kóp ótpeı atalmysh aıqasta odan bólek IBO vakantty tıtýly sarapqa salynatyny habarlandy. Qos qarsylas buǵan deıin alǵash ret betpe-bet kezdesip, kóz arbasqan edi.