Bokstan el quramasy Eýropanyń ejelgi týrnırine qatysady

ASTANA. QazAqparat - Maýsym aıynda Vengrııanyń Eger qalasynda Gergeı Bornemıssany eske alýǵa arnalǵan jastar jáne jósóspirimder boksynan halyqaralyq týrnır ótedi, dep habarlaıdy QazAqparat Sports.kz-ke silteme jasap.

72-shi memorıaldyq týrnır 5-11 maýsymda ótedi. Ol «Strandja», «Altyn qolǵap» jáne «Bochkaı memorıaly» sekildi ejelgi eýropalyq halyqaralyq týrnırlerdiń biri. Týrnır vengr leıtenanty, ulttyq batyr Gergeı Bornemıssanyń qurmetine atalǵan. Ol 1552 jyly Osman qorshaýy kezinde Eger qamalyn qorǵap qalǵan.
Eger týrnırine eki túrli jas sanatyndaǵy boksshylar - 2005-2006 jyly jáne 2007-2008 jyly týǵandar qatysady. Jasóspirim uldar 13 salmaq dárejesinde, qyzdar - 12 salmaq dárejesinde óner kórsetedi.