Bokstan Azııa chempıonatynda bir boksshymyz jarys jolynan shyǵyp qaldy

ASTANA. QazAqparat – Iordanııanyń Amman qalasynda ótip jatqan bokstan Azııa chempıonatynda Qazaqstannyń erler quramasynan bir boksshy jarys jolynan shyǵyp qaldy, dep habarlaıdy QazAqparat tilshisi.

Naqtyraq aıtsaq, 63,5 keli salmaqta el namysyn qorǵaǵan Sanatáli Tóltaev 1/8 fınalda ózbekstandyq Rýslan Abdýllaevqa ese jiberip, jarys jolynan shyǵyp qaldy.

Bul jekpe-jekte tóreshiler bir aýyzdan 30:27, 30:27, 30:27, 29:28, 29:28 esebimen ózbek boksshysyn jeńimpaz dep tapty.

Esterińizge sala keteıik, osyǵan deıin Qazaqstan erler quramasy atynan sharshy alańǵa birinshi bolyp shyqqan Serik Temirjanov jarysty jeńispen bastaǵanyn jazǵan bolatynbyz.

57 kelige deıingi salmaqta synǵa túsken otandasymyz túrkmenstandyq Ihlaz Gylychjanovtan aılasyn asyrǵan bolatyn.

Aıta keteıik, atalǵan dodada erler - 13, al əıelder 12 salmaqta kim myqtyny anyqtaıdy. Ftnaldyq jekpe-jekter 1-12 qarashaǵa belgilengen.

Sary qurlyq dodasyn ádettegideı Azııa boks konfederatsııasy (ASBC) Halyqaralyq boks qaýymdastyǵynyń (IBA) erejelerin negizge ala otyryp uıymdastyrady.

Ashyq kózderden alynǵan foto