ORAL. QazAqparat – Bokstan Taıland astanasy Bangkok qalasynda 22 jasqa deıingiler arasynda ótken bokstan Azııa chempıonatynda Qazaqstan quramasy jalpykomandalyq esepte ekinshi orynǵa ıe boldy, dep habarlaıdy QazAqparat tilshisi.
Birinshilik qorytyndysynda qazaqstandyqtar 20 medal (5 altyn, 3 kúmis, 12 qola) jeńip aldy.
Medaldar esebinde Ózbekstan boksshylary 21 medalmen (14 altyn, 4 kúmis, 3 qola) kósh bastady.
Úzdik úshtikti Taıland quramasy (3 altyn, 4 kúmis, 2 qola) túıindedi.
Jalpykomandalyq esep:
1. Ózbekstan — 14-4-3
2. Qazaqstan — 5-3-12
3. Taıland — 3-4-2
4. Mońǵolııa — 1-4-4
5. Fılıppın — 1-1-2
6. Qytaı — 0-4-1
7. Vetnam — 0-1-3
8. Nepal — 0-1-3
9. Indonezııa — 0-1-1
9. Kambodja — 0-1-1
11. Qyrǵyzstan — 0-0-7
12. Tájikstan — 0-0-3
13. Sıngapýr — 0-0-1
13. Indonezııa — 0-0-1
13. Malaızııa — 0-0-1.
Eske sala keteıik, budan buryn bokstan jastar arasynda Azııa chempıonatynda Qazaqstan qyzdar quramasynyń úzdik úshtikti túıindegenin jazǵan bolatynbyz.
Ashyq kózderden alynǵan foto
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).