Bokstan Azııa chempıonaty: Jasmına Qızatova fınalǵa shyqty

ASTANA. QazAqparat – Taıland astanasy Bangkok qalasynda ótip jatqan bokstan 22 jasqa deıingi jastar arasyndaǵy Azııa chempıonatynda qazaqstandyq Jasmına Qızatova fınalǵa shyqty, dep habarlaıdy QazAqparat tilshisi.

Jasmın Qızatova 70 keli salmaqta vengrııalyq Trýong Mın Thý Kıýnhpen qolǵap túıistirdi. Ol qarsylasynan basym túsip, fınalǵa joldama aldy.

Jartylaı fınalǵa barlyǵy toǵyz qazaqstandyq boksshy shyqqan edi.

Aıta ketsek, búgin jartylaı fınalda Móldir Toıkova (50 keli) vetnamdyq Thı Ngok Tran Ngýenge, Ánel Saqysh (54 keli) ózbekstandyq Nıgına Ýktamovaǵa, Vıktorııa Grafeeva (57 keli) ózbekstandyq Sıtora Turdybekovaǵa, Shahnaz Isaeva (60 keli) taılandtyq Porntıp Býapaǵa ese jiberip qoıdy.

Sondaı-aq, Nazerke Serik (63 keli) mońǵolııalyq Badmaarag Ganzorıgten, Aqnar Işanova (66 keli) ózbekstandyq Navbahor Hamıdovadan jeńilip qaldy.

Endi el quramasynan Dana Dıdaı (75 keli), Gúlsaıa Erjan (81 keli) sharshy alańǵa shyǵady.

Eske salsaq, budan buryn Azııa chempıonatynda qazaqstandyq boksshylar shırek fınal oıyndaryn ótkizdi.