Bokstan Azııa chempıonaty: Lázzat Kúngeıbaeva el quramasyna segizinshi altyndy alyp berdi

NUR-SULTAN. QazAqparat - Bokstan Birikken Arab ámirliginiń Dýbaı qalasynda qyzdar arasynda ótip jatqan Azııa birinshiliginde Qazaqstan qorjynyn segizinshi altyn medal tústi dep habarlaıdy QazAqparat tilshisi.

Alǵashqy altyndy Alýa Balqybekova (48 keli) alyp, ol aqtyq synda ózbekstandyq Gýlasal Sýltonalıevany qapy qaldyryp ketti.

Al Nazym Qyzaıbaı (51 keli) úndistandyq Merı Komdy, Dına Jolaman (54 keli) úndistandyq Sıtora Shogdarovany, Rımma Volosenko (60 keli) ındohenııalyq Hýsvatýn Hasannan basym tústi.

Sondaı-aq, Mılana Safronova (64 keli) úndistandyq Lalbýatsaıhıdi, Valentına Halzova (69 keli) Navbahor Hamıdovany jeńdi.

Al 81 kelide Farıza Sholtaı ózbekstandyq Sohıba Rýzmetovadan myqty ekenin kórsetti.

Búgin el quramasynan Al Valentına Kýhta (57 keli) kúmis júldeni qanaǵat tutty.

Taǵy bir boksshymyz Marına Volnova (75 keli) qola júldeger atandy.

Osylaısha qazaqstandyq qurama segiz altyn, bir kúmis pen bir qola medalǵa qol jetkizip, jaly komandalyq esepti birinshi orynǵa taban tiredi.

Endi 31 mamyrda erler arasynda fınaldyq oıyndar ótedi. Jarystyń atalǵan satysynda Qazaqstan quramasy sapynda bes boksshy sharshy alańǵa shyǵady. Olardyń qatarynda Danııal Sábıt (49 keli), Abylaıhan Júsipov (69 keli), Ábilhan Amanqul (75 keli), Vasılıı Levıt (91 keli) jáne Qamshybek Qońqabaev (91 keliden joǵary) bar.