Bokstan Azııa chempıonaty: Qazaqstandyq tórt boksshy ózbekstandyq qarsylastarymen kezdesedi

ASTANA. QazAqparat - Taıland astanasy Bangkok qalasynda ótip jatqan 22 jasqa deıingi jastar arasynda bokstan Azııa chempıonatynda qazaqstandyq sportshylardyń fınaldaǵy qarsylastary anyqtaldy, dep habarlaıdy QazAqparat tilshisi.

Qurlyqtyq dodanyń fınalyna elimizdiń erler quramasynan alty boksshy shyqty. Olardyń qatarynda Sanjar Tashkenbaı (48 keli), Nursultan Altynbek (54 keli), Mahmýd Sabyrhan (57 keli), Abzal Serik (67 keli), Sabyrjan Aqqalykov (71 keli) jáne Dıas Moljigitov (75 keli) bar.

Fınalda qazaqstandyq tórt boksshy ózbekstandyq bylǵary qolǵap sheberlerimen qolǵap túıistiredi.

Qazaqstandyq sportshylardyń qarsylastary tómendegishe:

48 keli. Sanjar Tashkenbaı - Shodıerjon Melıkýzıev (Ózbekstan)

54 keli. Nursultan Altynbek - Flınt Djara (Fılıppıny)

57 keli. Mahmýd Sabyrhan - Saravýt Sýkthet (Taıland)

67 keli. Abzal Serik - Behzod Hamıdov (Ózbekstan)

71 keli. Sabyrjan Aqqalykov - Nýrıslom Ismoılov (Ózbekstan)

75 keli. Dıas Moljigitov - Alohon Abdýllaev (Ózbekstan).

Qurlyqtyq doda fınaly 26 qańtarǵa belgilengen.

Eske salsaq, budan buryn bokstan Azııa chempıonatynda fınalǵa shyqqan sportshylar jóninen Qazaqstan ekinshi orynda turǵanyn habarlaǵan bolatynbyz.

Ashyq kózderden alynǵan foto