Bokstan Azııa chempıonaty: Qazaqstandyq eki sportshy fınaldyq jekpe-jegin ótkizedi

ASTANA. QazAqparat – Taıland astanasy Bangkok qalasynda ótip jatqan bokstan 22 jasqa deıingi jastar arasyndaǵy Azııa chempıonaty fınalynda búgin qyzdardan qazaqstandyq eki sportshy synǵa túsedi, dep habarlaıdy QazAqparat tilshisi.

El quramasynan Jasmın Qızatova (70 keli) 9-jupta ózbekstandyq Azıza Zokırovamen qolǵap túıistiredi. Ol jartylaı fınalda vetnamdyq Trýong Mın Thý Kıýnhty jeńgen edi.

Qazaqstandyq taǵy bir bylǵary qolǵap sheberi Gúlsaıa Erjan 11-jupta taılandtyq Pýrnnıpa Chýtımen sheberlik baıqasady. Jartylaı fınalda Gúlsaıa nepaldyq Trısha Djebegýdi tize búktirdi.

Olardyń arasynan buǵan deıin Jasmın Qızatova (70 keli) vetnamdyq Trýong Mın Thý Kıýnhty jeńip, fınalǵa joldama aldy.

Fınaldyq kezdesýler búgin, 25 qańtarda elorda ýaqytymen 13.00-de bastalady.

Jartylaı fınalǵa barlyǵy toǵyz qazaqstandyq boksshy shyqqan edi.

Olardyń qatarynan Móldir Toıkova (50 keli), Ánel Saqysh (54 keli), Vıktorııa Grafeeva (57 keli), Shahnaz Isaeva (60 keli), Nazerke Serik (63 keli), Aqnar Işanova (66 keli), Dana Dıdaı (75 keli) qola júldeni mise tutty.

Eske salsaq, budan buryn bokstan Azııa chempıonatynda qazaqstandyq erler quramasynan tórt boksshy ózbekstandyq qarsylastarymen kezdesetinin habarlaǵan bolatynbyz.

Foto: Shutterstock