Bokstan Azııa chempıonaty: Qazaqstan qorjynyna jetinshi altyn medal tústi

NUR-SULTAN. QazAqparat - Bokstan Birikken Arab ámirliginiń Dýbaı qalasynda qyzdar arasynda ótip jatqan Azııa birinshiliginde Qazaqstan qorjynyna jetinshi altyn medal tústi dep habarlaıdy QazAqparat tilshisi.

Bul medalǵa Farıza Joltaı (81 keli) ıe boldy. Ol ózbekstandyq Sohıba Rýzmetovamen qolǵap túıistirdi. Atalǵan jekpe-jekte qazaqstandyq boksshy senimdi oıyn kórsetti. Nátıjesinde tóreshiler jeńisti biraýyzdan Farızaǵa berdi.

Budan buryn qazaqstandyq qurama sapynan Alýa Balqybekova (48 keli), Nazym Qyzaıbaı (51 keli), Dına Jolaman (54 keli), Rımma Volosenko (60 keli), Mılana Safronova (64 keli) jáne Valentına Halzova (69 keli) altynnan alqa taqqan edi.

Al Valentına Kýhta (57 keli) kúmis júldeni qanaǵat tutty.

Osy ýaqytta qazaqstandyq qurama sapynan Lázzat Kúngeıbaeva (81 keliden joǵary) kezekti jekpe-jegin úndistandyq Anýpamamen ótkizýde.