ASTANA. QazAqparat - Taıland astanasy Bangkok qalasynda ótip jatqan 22 jasqa deıingi jastar arasynda bokstan Azııa chempıonatynda Qazaqstan quramasynan alty sportshy fınalǵa shyqty. Bul jóninen el quramasy ekinshi orynda tur, dep habarlaıdy QazAqparat tilshisi.
El quramasynan Sanjar Tashkenbaı (48 keli), Nursultan Altynbek (54 keli), Mahmýd Sabyrhan (57 keli), Abzal Serik (67 keli), Sabyrjan Aqqalykov (71 keli) jáne Dıas Moljigitov (75 keli) chempıondyq ataqqa talasady.
Fınalǵa shyqqan sportshylar sany boıynsha on boksshymen Ózbekstan kósh bastap tur.
Al úshinshi oryndaǵy Taıland quramasy sapynda úsh bylǵary qolǵap sheberi altyn medal úshin saıysqa túsedi. Al Fılıppın men Qytaıda eki, Mońǵolııa, Indonezııa jáne Kambodja quramalary bir-birden boksshysyn fınalǵa qosady.
Eske salsaq, budan buryn bokstan jastar arasynda Azııa chempıonatynda úsh boksshy qola júldeger atanǵanyn habarlaǵan edik.
Foto: prosports.kz
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.