Bokstan Azııa chempıonaty: 4 qazaqstandyq jartylaı fınalda

NUR-SULTAN. QazAqparat - Bokstan Azııa chempıonatynda qazaqstandyq taǵy tórt sportshy jarysty jalǵastyrady, dep habarlaıdy QazAqparat tilshisi.

Búgin sharshy alańǵa el quramasy sapynan bes boksshy shyqqan bolatyn. Olardyń arasynan tórteýi jartylaı fınalǵa joldama aldy.

Aldymen Sáken Bıbosynov (52 keli) Shrı-Lanka elinen kelgen Lasındý Erandanyń osal tusyn tapty. Al Abylaıhan Júsipov (69 keli) Birikken Arab Ámirliginiń ókili Hýseın Al-Kandarıdi Qazaqstandyq taǵy bir boksshy Ábilhan Amanqul (75 keli) úndistandyq Ashısh Kýmardan basym tússe, Qamshybek Qońqabaev (91 keliden joǵary) úndistandyq Narenderden myqty ekenin kórsetti.

Qurlyqtyq dodada 81 kelide synǵa túsken Bekzat Nurdáýletov ırandyq Meısam Geshlagıge ese jiberip qoıdy.

Aıta ketsek, keshe, 25 mamyrda qazaqstandyq bes boskshy jarysty jalǵastyrýǵa múmkindik aldy. Qazaqstandyq Danııal Sábıt (49 keli), Vasılıı Levıt, qyzdar arasynda Nazym Qyzaıbaı (51 keli), Rımma Volosenko (60 keli) jartylaı fınalǵa shyqqan bolatyn.

Eske salsaq, Azııa chempıonaty Birikken Arab ámirliginiń Dýbaı qalasynda 24 mamyrda bastaldy. Ol 31 mamyrǵa deıin jalǵasady.