Bokstan Azııa chempıonatynda Saǵyndyq Toǵambaı ózbekstandyqty nokdaýnmen jeńdi

<p>ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Saǵyndyq Toǵambaı jartylaı fınalǵa shyqty.</p>

S.Toǵambaı 92 kelige deıingi salmaqta ózbekstandyq qandasymyz, 2021 jylǵy álem chempıonatynyń qola júldegeri Madııar Saıdrahımovpen kezdesti.

Jekpe-jek Saǵyndyqtyń aıqyn basymdylyǵymen ótti. Tipti ol ekinshi raýndta qarsylasyn nokdaýnǵa jiberdi.

Osylaısha, búgin rıngke shyqqan bes qazaqstandyq boksshynyń úsheýi jartylaı fınalǵa joldama aldy.

Eske sala keteıik, budan buryn bokstan Azııa chempıonatynda Mahmud Sabyrhannyń qarsylasyn ekinshi ret nokaýtpen jeńgenin jazǵan bolatynbyz.

Sondaı-aq, qazaqstandyq taǵy bir boksshy Azııa chempıonatynda Muhamedsabyr Bazarbaıuly shırek fınaldyq jekpe-jeginde qarsylasynan jeńilip qaldy.