ASTANA. KAZINFORM – Taılandtyń Chıangmaı qalasynda bokstan erler men áıelder arasynda ótip jatqan Azııa chempıonatynda Natalıa Bogdanova jeńis tuǵyryna kóterildi.
N.Bogdanovaǵa 70 kelige deıingi salmaqta sharshy alańnyń ıesi Baıson Manıkonmen judyryqtasýǵa týra keldi.
Birinshi raýndta tóreshiler túgeldeı Natalıanyń basymdylyǵyn tirkedi. Ekinshisinde esep 3:2 boldy. Degenmen úshinshi kezeńde qaıtadan 5:0-ge ózgerdi. Qorytyndy esep – 5:0, N.Bogdanovanyń paıdasynda.
Osylaısha, Natalıa Bogdanova Qazaqstan quramasyna úshinshi altyndy áperdi.
Eske sala keteıik, budan buryn bokstan Azııa chempıonatynda áıelder arasynda 5 qazaqstandyq altynǵa talasatynyn jazǵan bolatynbyz.
Qazaqstandyq Vıktorııa Grafeeva bokstan Azııa chempıony atandy.
Sondaı-aq bokstan Azııa chempıonatynda Aıda Ábikeeva altyn aldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).