Bokstan Azııa chempıonatynda Qazaqstan quramasy neshinshi oryn aldy

<p>ASTANA. KAZINFORM - Taıland koroldiginiń Chıangmaı qalasynda bokstan ótken Azııa chempıonatynda Qazaqstan quramasynyń jalpy medaldar kestesinde neshinshi oryn alǵany belgili boldy.</p>

Qazaqstan erler quramasy 4 altyn, 5 kúmis, 1 qola, barlyǵy 10 medal jeńip aldy. 

Atap aıtqanda, Mahmud Sabyrhan (54 kg), Bekzat Nurdáýletov (86 kg), Saǵyndyq Toǵambaı (92 kg) jáne Aıbek Oralbaı (+92 kg) altynnan alqa taqty.

Qazaqstan áıelder quramasynan Vıktorııa Grafeeva (60 kg), Aıda Ábikeeva (63 kg), Natalıa Bogdanova (70 kg), Gúlsaıa Erjan (81 kg) jáne Eldana Tálipova (+81 kg) chempıon atansa, taǵy 5 boksshy qola júldege ıe boldy.

Osylaısha, Qazaqstan quramasy barlyǵy 9 altyn, 5 kúmis, 6 qolaǵa qol jetkizdi. Bul kórsetkish jóninen Qazaqstan ekinshi orynǵa shyqty. Altyn medal boıynsha Ózbekstan ǵana (11) alda tur.

Qazaqstan áıelder quramasy medaldar sany jóninen kósh bastasa, erler Ózbekstandy (8 altyn, 2 kúmis, 1 qola) alǵa jiberdi.

Azııa chempıonatynyń jeńimpazdary 8 myń AQSh dollary (4,1 mıllıondaı teńge), kúmis júldegerler 4 myń, qola alǵandar 2 myń dollar kóleminde syıaqy aldy. 

Eske sala keteıik, budan buryn Aıbek Oralbaıdyń Azııa chempıonatyn altynmen túıindegenin jazǵan bolatynbyz.