Bokstan Azııa chempıonatynda áıelder arasynda 5 qazaqstandyq altynǵa talasady

<p>ASTANA. KAZINFORM &ndash; Taılandtyń Chıangmaı qalasynda bokstan ótip jatqan Azııa chempıonatynda seısenbi kúni áıelder arasynda fınaldyq jekpe-jekter ótedi.</p>

Qazaqstannan bes boksshy altyn medal úshin rıngke shyǵady.

Vıktorııa Grafeeva 60 kelige deıingi salmaqta qytaılyq Tsıan Lımen bas júldeni sarapqa salady.

Aıda Ábikeeva 63 kelige deıingi salmaqta Vetnam ókili Lın Hamen judyryqtasady.

Natalıa Bogdanova 70 kelige deıingi salmaqta sharshy alańnyń ıesi Baıson Manıkonmen sheberlik baıqasady.

Gúlsaıa Erjan 81 kelige deıingi salmaqta ýkraınalyq Karıne Aırapetıanmen qolǵap túıistiredi.
Asa aýyr salmaqta jerebe boıynsha birden fınalǵa ótken Eldana Talıpovanyń qarsylasy – ózbekstandyq Oltınoı Sotımboeva.

Qazaqstannan Áıgerim Sáttibaeva (48 kg), Jazıra Oraqbaeva (52 kg), Uljan Sársenbek (57 kg), Mılana Safronova (66 kg) jáne Dıana Maǵaýıaeva (75 kg) qolany qanaǵat tutty. 

Alýa Balqybekova (50 kg) syrqattanyp qalýyna baılanysty jarystan bas tartsa, Symbat Álıasqar (54 kg) ¼ fınalda jeńilip qaldy.

Eske sala keteıik, budan buryn bokstan Azııa chempıonatynda Aıbek Oralbaıdyń ózbek boksshysyn qapy qaldyrǵanyn jazǵan bolatynbyz. 

Sársenbik kúni Qazaqstan erler quramasynan 9 boksshy fınaldyq kezdesýlerin ótkizedi.