ASTANA. KAZINFORM - Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Vıktorııa Grafeeva fınalǵa shyqty.
Qazaqstandyq boksshy 60 kelige deıingi salmaqta sharshy alańnyń ıesi Porntıp Býapamen sheberlik baıqasty.
Vıktorııa birinshi raýndta-aq qarsylasyn nokdaýnǵa jiberdi. Nokdaýn ekinshi kezeńde de qaıtalanǵannan keıin referı jekpe-jekti toqtatty.
Taǵy bir qazaqstandyq Uljan Sársenbek 57 kelige deıingi salmaqta taǵy bir taılyq Pýnravı Rýenrospen judyryqtasty. Munda tóreshiler jeńisti túgeldeı jergilikti boksshyǵa berdi.
Eske sala keteıik, budan buryn bokstan Azııa chempıonatynda 9 qazaqstandyqtyń fınalǵa shyǵý úshin talasatynyn jazǵan bolatynbyz.
Sondaı-aq Áıgerim Sáttibaeva qola júldeger atandy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).