Bokstan Azııa chempıonaty: Sáken Bıbosynov jarys jolynan shyǵyp qaldy

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Sáken Bıbosynov jartylaı fınalǵa óte almady.&nbsp;</p>

Eki dúrkin álem chempıony, Tokıo Olımpıadasynyń qola júldegeri Sáken Bıbosynov 51 kelige deıingi salmaqta ózbekstandyq Asılbek Jalılovpen aıqasty.

Qyzý ótken jekpe-jektiń birinshi raýndynda tóreshiler sheshimi boıynsha A.Jalılov alda turdy – 3:2. Ekinshi kezeńde de eshteńe ózgere qoıǵan joq. Qorytyndysynda jeńis ózbek boksshysynyń enshisinde ketti. Osylaısha, Bıbosynov qarsylasyna ese jiberip, jarys jolynan shyǵyp qaldy.

Eske sala keteıik, budan buryn bokstan Azııa chempıonatynda jarystyń jetinshi kúni kimder shyǵatynyn jazǵan bolatynbyz. Sondaı-aq Sanjar Táshkenbaıdyń Tájikstan boksshysyn jeńip, jartylaı fınalǵa ótkenin habarlaǵan edik.