Bokstan Azııa chempıonaty: Orazbek Asylqulov sharshy alań ıesin qapy qaldyrdy

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda altynshy jarys kúni rıngke Orazbek Asylqulov birinshi bolyp shyqty.</p>

Asylqulov 57 kelige deıingi salmaqta sharshy alań ıesi Fanývat Chýdjanatpen sheberlik baıqasty. Birinshi raýndta Orazbek qarsylasyna soqqylaryn daryta bildi – 4:1.

Ekinshi kezeńde esep 3:2 boldy. Úshinshi raýndta da Orazbek alǵan betinen tanǵan joq. Qorytyndy esep – 5:0.

Osylaısha, Orazbek Asylqulov jartylaı fınalǵa shyqty. Bul – keminde qola medal qolda degen sóz.

Búgin Qazaqstannan taǵy bes boksshy shırek fınalda baq synaıdy. 

Eske sala keteıik, budan buryn bokstan Azııa chempıonatynda beısenbi kúni Qazaqstan namysyn 6 sportshy qorǵaıtynyn jazǵan bolatynbyz.