ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda tórtinshi jarys kúni Qazaqstannan alǵashqy bolyp sharshy alańǵa Mahmud Sabyrhan shyqty.
Bokstan álem chempıony Mahmud Sabyrhan 54 kelige deıingi salmaqta qytaılyq Taıbeı ókili ıAn-Lın Laımen qolǵap túıistirdi.
Birinshi raýndta-aq qazaqstandyq boksshy qarsylasyn úsh ret nokdaýnǵa jibergennen keıin tóreshi jekpe-jekti toqtatty.
Mahmud Sabyrhan jartylaı fınalǵa shyǵý úshin shrı-lankalyq Djaıanat Kýmarmen talasady.
Búgin sondaı-aq Aıda Ábikeeva men Mılana Safronova alǵashqy jekpe-jekterin ótkizedi.
Eske sala keteıik, budan buryn qazaqstandyq eki boksshynyń Azııa chempıonatyn jeńispen bastaǵanyn jazǵan bolatynbyz.
Sondaı-aq Uljan Sársenbek shırek fınalǵa shyqty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).