ASTANA. KAZINFORM – Taıland koroldiginiń Chıangmaı qalasynda erler jáne áıelder arasynda bokstan ótip jatqan Azııa chempıonatynda Gúlsaıa Erjan altyn medal úshin talasady.
Gúlsaıa Erjan (81 kg) jartylaı fınalda ózbekstandyq Sohıba Rýzmetovamen rıngke kóterildi.
Birinshi raýndta tóreshiler ózbekstandyq boksshy basym dep tapty – 5:0. Ekinshi kezeńde Gúlsaıa qarsylasyn eki ret nokdaýnǵa jiberdi – 5:0. Qorytyndy esep: 4:1, Gúlsaıa Erjannyń paıdasynda.
Taǵy bir qazaqstandyq Dıana Maǵaýıaeva 75 kelige deıingi salmaqta qytaılyq Lına Vanmen rıngke shyqty. Munda qytaılyq boksshy tehnıkalyq nokaýtpen jeńiske jetti.
Osylaısha, búgin Qazaqstan áıelder quramasynan 9 boksshy sharshy alańǵa shyqsa, sonyń tórteýi fınalǵa ótti. Qalǵany qola júldeni qanaǵat tutty. Sonyń ishinde úsheýi tóreshilerdiń sheshimimen ózbekstandyqtarǵa jol berdi.
Eske sala keteıik, budan buryn bokstan Azııa chempıonatynda Vıktorııa Grafeevanyń qarsylasyn nokaýtpen utqanyn jazǵan bolatynbyz.
Sondaı-aq Aıda Ábikeeva bokstan Azııa chempıonatynyń fınalyna ótti.
Natalıa Bogdanova Azııa chempıonatynyń altynyna talasady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).