Bokstan Azııa chempıonaty: Erasyl Jaqpekov jartylaı fınalǵa ótti

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Erasyl Jaqpekov jartylaı fınalǵa joldama aldy.</p>

Jaqpekov 80 kelige deıingi salmaqta qyrǵyzstandyq Saǵyn Satybaldy ýýlymen qolǵap túıistirdi. Birinshi raýndta qyrǵyz boksshysy tóreshiler sheshimimen 3:2 esebimen alda turdy. Degenmen ekinshi kezeńde Erasyl tarazy basyn ózine aýdardy – 5:0. Qorytyndy esep te – 5:0.
Osylaısha, E.Jaqpekov keminde qola medal alady.

Búgin áıelder arasynda Qazaqstannan Jazıra Oraqbaeva, Uljan Sársenbek jáne Vıktorııa Grafeeva sharshy alań tórine kóteriledi.

Eske sala keteıik, budan buryn bokstan Azııa chempıonatynda beısenbi kúni Qazaqstan namysyn 6 sportshy qorǵaıtynyn jazǵan bolatynbyz.

Sondaı-aq Azııa chempıonatynda Orazbek Asylqulov sharshy alań ıesin qapy qaldyrdy. Al Beıbarys Jeksen júldege qol sozym jerde toqtady.