ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda besinshi jarys kúni Qazaqstannan bes sportshy baq synaıdy.
Álem jáne Azııa chempıonatynyń kúmis júldegeri Dýlat Bekbaýov 67 kelige deıingi salmaqta ekinshi jekpe-jegin ótkizedi.
Rıngke ekinshi jupta shyǵatyn Dýlat bul joly malaızııalyq Arıf Aıman Mýhammadpen judyryqtasady.
Sondaı-aq 1/4 fınalda Abylaıhan Júsipov pen túrkmenstandyq Baıramdýrdy Nurmuhamedov (71 kg), Dıas Moljigitov pen japonııalyq Daıga Sýnaga (75 kg) rıngte qaı myqtyny anyqtaıdy.
Áıelder arasynda Áıgerim Sáttibaeva (48 kg) Fılıppın ókili Ofelııa Manomen, Symbat Álıasqar (54 kg) qytaılyq Ven Shan Hýmen qolǵap túıistiredi.
Olardyń qaı-qaısysy da qarsylasyn jeńse, jartylaı fınalǵa shyǵyp, keminde qola júldege ıe bolady.
Eske sala keteıik, budan buryn bokstan Azııa chempıonatynda Mahmud Sabyrhannyń qarsylasyn nokaýtpen utqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).