Bokstan Azııa chempıonaty: Aıbek Oralbaı ózbek boksshysyn qapy qaldyrdy

<p>ASTANA. KAZINFORM &ndash; Taıland koroldiginiń Chıangmaı qalasynda erler jáne áıelder arasynda bokstan ótip jatqan Azııa chempıonatynda Qazaqstan ulttyq quramasynyń kapıtany Aıbek Oralbaı fınalǵa joldama aldy.</p>

Jasóspirimder Olımpıada oıyndarynyń (2018) jáne eresekter arasynda 2022 jylǵy Azııa chempıony Aıbek Oralbaı bul joly asa aýyr salmaqta baq synady.

Qarsylasy, ózbekstandyq Jahongır Zokırov ta jastar arasynda álem jáne Azııa chempıony atanyp úlgergen edi. 

Alǵashqy eki raýndta qazaqstandyq boksshy boıynyń qysqalyǵyna qaramastan, aýyr soqqylaryn daryta bildi – 5:0. Úshinshi kezeńde tóreshiler jeńisti ózbek sportshysyna bergenine qaramastan, jalpy esep ózgergen joq – 5:0.

Osylaısha, búgin jartylaı fınalda óner kórsetken 10 qazaqstandyq boksshynyń toǵyzy sońǵy synǵa ótti.

Eske sala keteıik, budan buryn bokstan Azııa chempıonatynda Dıas Moljigitovtiń fınalıster qataryna qosylǵanyn jazǵan bolatynbyz. 

Sondaı-aq Bekzat Nurdáýletov Azııa chempıonatynda fınalǵa joldama aldy.