Bokstan álem chempıonatynyń ekinshi kúni Saǵyndyq Toǵambaı men Sanatáli Tóltaev rıngke shyǵady

ASTANA. QazAqparat – Ózbekstan astanasy Tashkent qalasynda bokstan erler arasynda ótip jatqan álem chempıonatynyń ekinshi kúni qazaqstandyqtar Saǵyndyq Toǵambaı men Sanatáli Tóltaev rıngke shyǵady, dep habarlaıdy QazAqparat tilshisi.

Astana ýaqytymen saǵat 14.00-de bastalatyn kúndizgi sessııada Saǵyndyq Toǵambaı óner kórsetedi.

Qazaqstandyq boksshy 86 kelige deıingi salmaqta 1/16 fınalda Kongo ókili Natan Nlandý Mbelımen sheberlik baıqasady.

Saǵat 19.00-de bastalatyn keshki sessııada Sanatáli Tóltaev 63,5 kelige deıingi salmaqta 1/32 fınalda baq synaıdy.

Onyń qarsylasy – ızraıldik Ahmad Shtıvı.

Álem chempıonaty Qazsport telearnasynan tikeleı efırde kórsetiledi.

Eske sala keteıik, budan buryn álem chempıonatynda qazaqstandyq qos boksshynyń álem chempıonatyn jeńispen bastaǵanyn jazǵan bolatynbyz.