Bokstan álem chempıonatynyń ekinshi kúni komandalar qalaı oıyn kórsetti

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynda ekinshi jarys kúninde Qazaqstan quramasy men olardyń qarsylastary qalaı oıyn kórsetkeni belgili boldy, dep habarlaıdy QazAqparat tilshisi.

El quramasynan búgin alǵashqy bolyp sharshy alańǵa shyqqan Saǵyndyq Toǵambaı (86 keli) 1/16 fınalda Kongo Demokratııalyq Respiblıkasynan kelgen Natan Nlandý Mbelıdi úshinshi raýndta tehnıkalyq nokaýtpen jeńdi.

Oǵan deıin ol afrıkalyq qarsylasyn úsh márte nokdaýnǵa jibergen edi.

Al Sanatálı Tóltaev (63,5 keli) 1/32 fınalda ızraıldik Ahmad Shtıvıdi tóreshiler sheshimimen tize búktirdi.

Ózbekstan quramasynan 2 mamyrda úsh boksshy sharshy alańǵa shyqty.

Shohjahon Abdýllaev (86 keli) tóreshilerdiń biraýyzdan sheshimimen qyrǵyzstandyq Erkin Ádilbekýýlýnyń osal tusyn tapty.

Endi ol qazaqstandyq Saǵyndyq Toǵambaıǵa qarsylas atandy.

Rýslan Abdýllaev (63,5 keli) pýertorıkalyq Manýel Febýsti senimdi túrde jeńse, Djasýrbek ıÝldoshev (80 keli) aljırlik ıÝnes Nemýshıdi erterek eline qaıtardy.

Álemde boks sporty erekshe damyǵan elderdiń biri - Kýba quramasy sapynan Nelson Ýılıams (86 keli) domınıkandyq Danıel Gýsmandy, Lasaro Alvares (63,5 keli) meksıkalyq Sesar Moralesti qapy qaldyrdy.

Álem chempıonaty 1-14 mamyr aralyǵynda ótkiziledi. Fınaldyq kezdesýler 13 jáne 14 mamyrǵa belgilengen.