Bokstan álem chempıonatynda búgin Alýa Balqybekova sharshy alańǵa shyǵady

YSTANBUL. QazAqparat - Bokstan áıelder arasyndaǵy bokstan álem chempıonatynda búgin, 10 mamyrda qazaqstandyq bir sportshy sharshy alańǵa shyǵady, dep habarlaıdy QazAqparat.

Álem chempıonaty 8 mamyrda Túrkııanyń Ystanbul qalasynda bastaldy. Ol 20 mamyrda máresine jetedi.

Dúbirli dodada búgin, 10 mamyrda el quramasynan Alýa Balqybekova (48 keli) keshki sessııada sharshy alańǵa shyǵady. Qarsylasy - kanadalyq Prııanka Dıllon.

Keshki sessııa elorda ýaqytymen 17.00-de bastalyp, «Qazsport» telearnasynan tikeleı efırde kórsetiledi.

Eske salsaq, 8 mamyrda el quramasynan Valentına Halzova (70 keli) kenııalyq Lorna Kýsa Sımbıdi tize búktirdi.

Dúbirli dodada elimizdiń atynan 12 boksshy synǵa túsedi.

Olardyń qatarynda Nazym Qyzaıbaı (50 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rıabets (75 keli), Gúlsaıa Erjan (81 keli) jáne Lázzat Kúngeıbaeva (81 keliden joǵary) bar.

Atalǵan týrnır 1974 jyldan beri turaqty túrde uıymdastyrylyp keledi.

Qazaqstan quramasy qazirge deıin barlyǵy 51 medal enshiledi. Onyń 14-i - altyn, 15-i - kúmis, 22-si - qola.