Bokstan álem chempıonatynda búgin 4 qazaqstandyq qyz rıngke shyǵady

YSTANBUL. QazAqparat - Bokstan áıelder arasyndaǵy álem chempıonatynda búgin, 12 mamyrda qazaqstandyq tórt sportshy sharshy alańǵa shyǵady, dep habarlaıdy QazAqparat.

Túrkııanyń Ystanbul qalasynda ótip jatqan álem chempıonatynda búgin, 12 mamyrda kúndizgi sessııada Nazym Qyzaıbaı (50 keli) kolýmbııalyq Ingrıt Valensııamen, Dına Jolaman (54 keli) ıspanııalyq Marııa Madýeno Kondemen, Rımma Volosenko (60 keli) anglııalyq Shona Ýıtýellmen jekpe-jekke shyǵady.

Keshki sessııa Darıǵa Shákimova (66 keli) ózbekstandyq Navbahor Hamıdovamen kezdesedi.

Jekpe-jekter «Qazsport» telearnasynan tikeleı efırde kórsetiledi.

Álem chempıonatyna elimizdiń atynan 12 boksshy bardy.

Olardyń qatarynan ázirge alty boksshy sharshy alańǵa shyǵyp, onyń tórteýi jarysty jalǵastyrýǵa múmkindik aldy.

Álem chempıonatynda el quramasynan Alýa Balqybekova (48 keli), Jaına Shekerbekova (52 keli), Karına Ibragımova (57 keli), Valentına Halzova (70 keli) jarystyń kelesi satysyna shyqty.

Al Aıda Ábikeeva (63 keli) men Nadejda Rıabets (75 keli) qarsylastaryna ese jiberip qoıdy .

Álem chempıonaty 20 mamyrda máresine jetedi.